Այսօր կառավարության նիստից հետո պատասխանելով այն հարցին, թե հնարավո՞ր է թե ՀՅԴ-ն դուրս գա կառավարության կազմից, քանի որ նիստի ժամանակ տարաձայնություն եղավ վարչապետի եւ տնտեսական զարգացման եւ ներդրումների նախարար Արծվիկ Մինասյանի միջեւ կապված կուտակային կենսաթոշակների օրենքի նախագծի հետ, կրթության եւ գիտության նախարար Արայիկ Հարությունյանն ասաց, որ չի կարծում, քանի որ քննարկումն էլ ցույց տվեց, որ հակասությունը հարթվեց. «Շատ ուրախ եմ, որ նման քննարկում կա, քանի որ, ըստ իս, սա բացառիկ երեւույթ է Հայաստանում»:
Դիտարկմանը, թե Նիկոլ Փաշինյանը շատ կոշտ է արձագանքում իրեն ընդդիմացողներին, Արայիկ Հարությունյանն ասաց. «Յուրաքանչյուրն իր դիրքորոշումն ունի եւ իր դիրքորոշումն արտահայտելու ձեւը: Կարծում եմ, որ այնտեղ կոռեկտության որեւէ սահման չի խախտվել»:
Նրա համոզմամբ, կուտակային կենսաթոշակների մասով էլ կառավարությունն ընդունել է «ամենաօպտիմալ որոշումը, որ կարող էր ընդունվել»:
Լուսինե ԲՈՒԴԱՂՅԱՆ
