Լեգենդար դիրիժոր Նեեմե Յարվին, որ Հայաստանում է Գրեմմի մրցանակի արժանացած Էստոնիայի ազգային սիմֆոնիկ նվագախմբի հետ, երեւանյան ասուլիսում պատմեց իր եւ Արամ Խաչատրյանի հանդիպումների մասին .«Որդիս հատկապես սիրում էր նրա «Սուսերով պարը» ես էլ նվագակցում էի, Խաչատրյանն ուղղակի երջանիկ էր: Լավ ժամանակներ էին, մենք Սեւան գնացինք, հանդիպեցինք Բաբաջանյանի, Տերտերյանի, Հարությունյանի ու մյուսների հետ: Մենք իսկական ընկերներ էինք դարձել:
Կար երեք աստղանի կոնյակ եւ շատ սեւ խավիար, դա հրաշալի կյանք էր, ոչ միայն երաժշտություն, այլեւ ամեն ինչ»:
Մանրամասները` տեսանյութում
Ստեփան Ռոստոմյանի ստեղծագործություններին էլ անդրադարձ եղավ: Մաեստրոն նաեւ օպերային թատրոնի այսօրվա տնօրեն Կոնստանտին Օրբելյանին հիշեց. «Կոտիկ Օրբելյանը ամերիկացի էր, Ջուլիարդում եմ հանդիպել: Հրաշալի դաշնակահար էր, նրա հետ ձայնասկավառակ ենք ձայնագրել, որը ողջ աշխարհն է լսել, Խվորոստովսկուն էլ եմ հիշում»:
Նա ամենահզոր ստեղծագործությունները համարում է Բեթհովենի 9-րդ սիմֆոնիան եւ Մալերի երկրորդ սիմֆոնիան: Ասուլիսի ժամանակ էլ նման հայտարարություն արեց. «Կոչ եմ անում սովորել, սիրել Մալերի երկրորդ սիմֆոնիան:
Մանրամասները տեսանյութում`
Գոհար ՀԱԿՈԲՅԱՆ
