Վերաքննիչ քրեական դատարանում այսօր ավարտվեց Շուշիի առանձնակի գումարտակի հրամանատար, Հիմնադիր խորհրդարան ընդդիմադիր շարժման առաջնորդ Ժիրայր Սեֆիլյանը վերաքննիչ բողոքի քննությունը։ Դատարանը որոշումը կհրապարակի հունիսի 13-ին, 14:00-ին։ Նիստի ավարտին Սեֆիլյանը լրագրողների հարցմանն ի պատասխան համոզմունք հայտնեց, որ ուշ թե շուտ ազատ է արձակվելու։
Նրա պաշտպաններ Տիգրան Եգորյանը եւ Տիգրան Հայրապետյանն էլ կարծիք հայտնեցին, որ վերաքննիչ դատարանը պետք ա արդարացման դատավճիռ կայացնի։ Հիշեցնենք, որ Մեղադրող-դատախազ Պետրոս Պետրոսյանն այսօր վերաքննիչ քրեական դատարանին միջնորդել էր մեղմացնել Ժիրայր Սեֆիլյանի պատիժը եւ նրա հանդեպ սահմանել յոթ տարվա ազատազրկում, մինչդեռ առաջին ատյանի դատարանը Սեֆիլյանին դատապարտել էր 10.6 տարվա ազատազրկման։
Սեֆիլյանը մեղավոր է ճանաչվել ապօրինի զենք զինամթերք պահելու, ռազմավարական նշանակության շենք շինություններ զավթելու փորձի եւ զանգվածային անկարգություններ նախապատրաստելու համար։
Լուիզա ՍՈՒՔԻԱՍՅԱՆ
