Նախկին դատավոր Պարգեւ Օհանյանը կարծում է, որ վճռաբեկ դատարանի նախագահի թեկնածուի ընտրության կարգը թերի է, որ Սահմանադրության 166-րդ հոդվածը, որի համաձայն թեկնածուներն ընտրվում են վճռաբեկ դատարանի դատավորների թվից, պետք է փոխվի:
«Մեծ պահանջ, մարտահրավեր կա Սահմանադրությունը փոխելու: Պետք է նոր կարգ հաստատել, որ վճռաբեկի նախագահին ընտրեն նաեւ այլ դատավորների թվից: Լուրջ մարդիկ կան, պատրաստված կադրեր: Հակառակ դեպքում ԲԴԽ-ն ստիպված է ընտրություն կատարել վատի եւ շատ վատի միջեւ: Հազիվ ուրախացել ենք, որ մեր երկրի իշխանությունը փոխվել է, որ առողջ, հանրության կողմից ընդունված ուժեր են եկել՝ քաղաքական իշխանությունը վերցրել, բայց այս նույն ժողովուրդը, չգիտես ինչու, դատական իշխանության հարցում պետք է յոլա գնա «վատով»»,- ասաց նախկին դատավորը: Ինչո՞ւ ԲԴԽ անդամները ոչ մեկին շատ ձայն չտվեցին:
«Կարծում եմ՝ նրանք զգուշանում են հանրային պարսավանքից, հասկանում են, որ պատասխանատվություն են կրելու իրենց քվեարկության համար»,- ասաց Պարգեւ Օհանյանը:
Սյուզան ՍԻՄՈՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
