Շվեդիայի արտաքին գործերի նախարար Մարգոտ Վալստրյոմը հայտարարել է, որ երկրի կառավարությունը ներկա պահին չի կարող ընդունել Օսմանյան կայսրությունում հայերի և ասորիների դեմ իրականացված ցեղասպանությունը: Ինչպես հաղորդում է Hurriyet թուրքական պարբերականը, այս մասին գերատեսչության ղեկավարը հայտնել է SVT շվեդական պետական հեռուստատեսությանը տված հարցազրույցում:
Շվեդիայի արտգործնախարարը միևնույն ժամանակ նշել է, որ ցեղասպանության ճանաչումն ապագայում բացառված չէ, բայց ներկա պահին դա անհնար է:
Շվեդական Dagen կայքի փոխանցմամբ՝ Վալստրյոմը շեշտել է, որ նման որոշումը Թուրքիային հաճոյանալու ենթատեքստ չունի, որը հերքում է 1915թ. հայերի, ասորիների դեմ իրականացված ցեղասպանությունը:
Ավելի վաղ՝ մայիսի 1-ին, Շվեդիայի վարչապետ Ստեֆան Լյովենը հանդես էր եկել համանման հայտարարությամբ:
Հիշեցնենք, որ 2010թ. Շվեդիայի խորհրդարանը Հայոց ցեղասպանությունը ճանաչող բանաձև էր ընդունել, իսկ ավելի ուշ կառավարությունը որոշում էր կայացրել առկախել բանաձևը և գործել` հիմք ընդունելով անկախ կառույցների հետազոտությունները:
Պատրաստեց՝ Վիկտորյա ԱՆԴՐԵԱՍՅԱՆԸ
Արևմտամետները սա ոչ կարդացին, ոչ լսեցին, ոչ էլ տեսան։