Այս պահին Երեւանի ընդհանուր իրավասության Կենտրոն, Նորք-Մարաշ նստավայրի մոտ ցույց եւ նստացույց է: 2015 թվականի նոյեմբերին Նորք-Մարաշում ձերբակալված զինված խմբի գործով ամբաստանյալների հարազատները պահանջում են, որ դատարանը արտահերթ նիստ հրավիրի եւ անհապաղ ազատ արձակի բոլոր ամբաստանյալներին: Նրանց վրդովվեցրել է հերթական դատական նիստի կրկին հետաձգումը:
Արտահերթ նիստ չհրավիրելու եւ բոլոր ամբաստանյալներին անհապաղ ազատ չարձակելու դեպքում, ցուցարարները սպառնում են դատավոր Արմեն Բեկթաշյանին հրաժարական պարտադրել:
Հիշեցնենք, նիստը հետաձգվեց մեկ շաբաթով, որպեսզի ապահովվի պատգամավոր Ֆելիքս Ցոլակյանի ներկայությունը դատարան: Նա եւ ՀՀԿ-ական պատգամավոր Ալիկ Սարգսյանը անձնական երաշխավորություն են ներկայացրել գործով ամբաստանյալ, ԱԱԾ նախկին բարձրաստիճան պաշտոնյա Գառնիկ Մարգարյանի համար:
Մանրամասները` տեսանյութում
Նելլի ԳՐԻԳՈՐՅԱՆ
