Երեւանյան դեղատներում նորից առանց դեղատոմսի են վաճառվում նաեւ հակաբիոտիկները: Բանն այն է, որ կառավարության համապատասխան որոշման ճանապարհը հարթ չեղավ՝ փաստաթուղթն ընդունվեց, փոփոխվեց, կասեցվեց, այնքան, որ հիմա դեղատները հերթական անգամ թյուրիմացության մեջ են եւ կարծում են, որ դեղատոմսի առկայությունն առայժմ պարտադիր չէ նաեւ հակաբիոտիկների վաճառքի դեպքում։ Այնինչ, երբ նոր կառավարությունը վերջերս կասեցրեց Հայաստանում գրանցված դեղերի մեծ մասը դեղատոմսով դարձնելու մասին նախորդ կառավարության որոշումը, հայտարարվեց, որ խոսքը չի վերաբերում հակաբիոտիկներին։ Առողջապահության նախարարությունից փորձեցինք պարզել՝ ծանո՞թ են առկա խնդրին ու ինչ միջոցներ են ձեռնարկվելու։
Հազարավոր անուն դեղերը դեղատոմսով դարձնելու որոշումը մեծ իրարանցում էր առաջացրել։ Առողջապահության ոլորտի շատ ներկայացուցիչներ էլ, այդ թվում՝ գործող նախարար Արսեն Թորոսյանը, համոզմունք էին հայտնում, որ դեղատոմսի պարտադրանքը անհրաժեշտ քայլ է, դա արվում է հապճեպ՝ առանց համակարգն այդ փոփոխությանը նախապատրաստելու։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
Օրէնքն՝ օրէնք, բայց մարդիկ այնքան գիտակից պիտի լինեն, որ հասկանան, որ առանց դեղատոմսի կամ առանց բժշկի ցուցումի հակաբիոտիկ առնելը իրե՛նց իսկ առողջութեան համար է վտանգաւոր: