Հեղափոխությամբ իշխանության եկած կառավարությունը երեկ խորհրդարանին ներկայացրեց երկրի զարգացման իր տեսլականը: Նիկոլ Փաշինյանի ելույթի սկիզբն ամբողջովին ՀՀԿ-ին ուղղված մեղադրանք էր, թե ինչ օրի են հասցրել երկիրը, ինչպես են կեղծել բոլոր ընտրությունները, միլիոնավոր դոլարներ յուրացրել:
Իհարկե, բոլորն էլ շատ լավ գիտեն, թե ինչ է արել այս տարիներին ՀՀԿ-ն, ով ինչի տեր է, ինչեր է կուտակել: Խնդիրն այն է, թե այդ ամենի վերջը տալուց հետո ինչ է ստեղծում նոր կառավարությունը, ինչ մեխանիզմներով է, ինչպես ՀՀԿ-ականներն են ասում, բարի ցանկությունները կյանքի կոչելու: Ծրագրում թվերի, մեխանիզմների, քայլերի պակասը նկատել էին ոչ միայն ընդդիմադիր ՀՀԿ-ականները, այլև իշխանության մաս կազմող ուժերի ներկայացուցիչները: Սակայն ամենաուշագրավը կառավարության ծրագրի՝ «Ծառուկյան» խմբակցության անձնվեր պաշտպանությունն էր: Նրանք չխնայեցին իրենց պատկերավոր բառապաշարը, արժանացան անգամ ՀՀԿ-ի՝ «կառավարությունում տնփեսա» որակմանը, բայց տեղի չտվեցին, շարունակեցին հերոսաբար պաշտպանել, բայց հստակ ուղերձով՝ կառավարություն, քո հիմնական գործն արտահերթ ընտրություններ կազմակերպելն է: Այսինքն, դու արտահերթի խնդիրը լուծիր, այն ժամանակ կերևա, թե ով է կառավարության տերը:
Ռուզան ԽԱՉԱՏՐՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
