Դատավոր Արտուշ Գաբրիելյանի որոշմամբ այսօր կալանքից ազատ արձակվեց «Սասնա ծռեր» խմբի անդամներից Հովհաննես Վարդանյանը՝ լուսանկարում: Նրա հանդեպ որպես խափանման միջոց ընտրվեց ստորագրությամբ երկրից չհեռանալը:
Հիշեցնենք՝ Վարդանյանը զինված խմբի երրորդ անդամն է, որը կալանքից ազատվում է:
Երեկ նման որոշում էր կայացրել նաեւ դատավոր Մեսրոպ Մակյանը՝ Արեգ Կյուրեղյանի հանդեպ: Այսօր էլ ազատ է արձակվել Տիգրան Սարգսյանը: Կալանքից ազատված են նաեւ զինված խմբին օժանդակելու համար մեղադրվող Մանվել Աթոյանը, Խաչատուր Գիչյանը, Կարո Եղնուկյանը:
2016թ. ՀՀ ոստիկանության ՊՊԾ գունդը գրաված եւ մի շարք ծանր հանցագործությունների կատարման համար մեղադրվող «Սասնա ծռեր» խմբի անդամ Հովհաննես Վարդանյանն անցնում է մասնավորապես պատանդ վերցնելու և պահելու, ապօրինի կերպով հրազեն, ռազմամթերք ձեռք բերելու, պահելու, փոխադրելու և գողության հոդվածներով:
Լուիզա ՍՈՒՔԻԱՍՅԱՆ
