«Ե՞րբ են բարձրանալու թոշակներն ու աշխատավարձերը», – այսօր ԱԺ-ում կառավարության ծրագրի քննարկման ժամանակ վարչապետ Նիկոլ Փաշինյանին հարցրեց Տիգրան Ուրիխանյանը:
Նիկոլ Փաշինյանը պատասխանեց, որ ՊԵԿ-ի ու կառավարության առաջ խնդիր են դրել էականորեն ավելացել պետբյուջեի եկամուտները՝ ստվերի կրճատման, գործարարների՝ կոռուպցիոն պարտավորություններից ազատված միջոցների հաշվին, որոնք կուղղվեն թոշակների ու աշխատավարձերի բարձրացմանը: Վարչապետն ասաց, որ մյուս տարվա պետբյուջեում դա իր արտացոլանքը կունենա:
Ուրիխանյանը բողոքեց, որ ինքը նախորդ իշխանությունների սեւ ցուցակում է եղել ու իրեն արգելված է եղել լուսաբանել պետական լրատվամիջոցներով՝ պետական գործունեություն իրականացնելիս:
Փաշինյանը պատասխանեց. «Ես ձեզ խոստանում եմ իշխանական դարակներում փնտրել այդ սեւ ցուցակը եւ գտնելու դեպքում տեղում ոչնչացնել, վառել այդ սեւ ցուցակը, որպեսզի այն այլեւս գոյություն չունենա»:
Հռիփսիմե ՋԵԲԵՋՅԱՆ
