Ապրիլի 22-ին Ավան վարչական շրջանում ցուցարարների մեքենաները մահակներով ջարդուփշուր արած, զանգվածային անկարգությունների կասկածանքով ձերբակալվածներից երկուսը ազատ է արձակվել:
Խոսքը՝ օրեր առաջ ձերբակալված Ավանի թաղապետարանի հարկային բաժնի պետ Կարեն Տոնոյանի եւ Երեւանի քաղաքապետարանի առաջատար մասնագետ Էդմոն Պետրոսյանի մասին է: Նրանց ձերբակալումը մեկ այլ դատավոր իրավաչափ է համարել, սակայն կալանավորման միջնորդությունը քննող դատավորը մերժել է քննիչի միջնորդությունը եւ դատարանի դահլիճից ազատ արձակել երկուսին էլ: Նրանց նկատմամբ որպես խափանման միջոց է ընտրվել երկրից չհեռանալու մասին ստորագրությունը:
ՀՀ գլխավոր դատախազությունից երեկ հետաքրքրվեցինք, թե գործը հսկող դատախազը բողոքարկել կամ պատրաստվո՞ւմ է բողոքարկել դատարանի այս որոշումը: Ի պատասխան մեր հարցին հանրային կապերի բաժնից պատասխանեցին հետեւյալը. «Դատախազությունն ուսումնասիրում է գործը եւ դրա համար նախատեսված դատավարական ժամկետներում կհստակեցվեն հետագա ընթացքի լուծմանն առնչվող հարցերը»:
Հոդվածն ամբողջությամբ կարդացեք «Հայկական ժամանակ» օրաթերթի այսօրվա համարում
