Դատավոր Դավիթ Բալայանն այսօր պետք է հրապարակեր 2015թ. մահացած ծննդկան Մերի Մարգարյանի մահվան մեջ մեղադրվող՝ «Շենգավիթ» ԲԿ բժիշկներ Շուշանիկ Բախշյանի եւ Անի Բաբելյանի դատավճիռը, սակայն բոլորի համար անսպասելի որոշում կայացվեց: Դատավճռի փոխարեն դատավորը որոշել է կրկին փորձաքննություն անցկացնել, իսկ դա նշանակում է, որ դատաքննությունը նորից է սկսվելու:
Դատավարության կողմերը դեռ պետք է ներկայացնեն միջնորդություններ, թե որ փորձագետներն են ներգրավվելու փորձագիտական հանձնաժողովում՝ Մերի Մարգարյանի առողջական վիճակի առնչությամբ առկա բժշկական փաստաթղթերին եզրակացություն տալու համար: Առաջիկա նիստը նշանակվեց հունիսի 13-ին, ժամը 12:00-ին:
Հիշեցնենք, որ Շուշանիկ Բախշյանին 3 տարի 6 ամսվա ազատազրկում է սպառնում: Նա, ինչպես եւ Անի Բաբելյանը, իրենց մեղավոր չեն ճանաչում եւ գտնում են, որ մասնագիտական պարտականությունները պատշաճ են կատարել:
Լուիզա ՍՈՒՔԻԱՍՅԱՆ
