Ներկայումս Հայաստան –Վրաստան միջպետական ավտոճանապարհի Վանաձոր-Ալավերդի հատվածում հիմնանորոգման մեծածավալ աշխատանքներ են կատարվում: Դրանք իրականացվում են Վանաձոր-Ձորագես հատվածում:
Այրում-Ջորագես հատվածում ներկայումս հիմնանորոգում չի կատարվում, այդ ճանապարհով երթեւեկողների մոտ տպավորություն է ստեղծվում, որ ճանապարհի ընթացիկ պահպանություն էլ չի կատարվում: Այն փոսառատ է, երթեւեկի համար՝ դժվարանցանելի:
Նոյեմբերյանցի մի վարորդ մեզ հայտնեց, որ մի քանի օր առաջ խոր փոսերի պատճառով իր մարդատարն այդ ճանապարհին շարքից դուրս է եկել, այդ պատճառով ինքը Վանաձոր է մեկնում միկրոավտոբուսով:
Վարորդները դժգոհեցին, որ այդ ճանապարհին փոսեր կան, որոնք այդ հատվածը սպասարկող ճանապարհաշինարարներն արդեն մի քանի տարի ասֆալտով չեն լցնում:
Այսօր ՝ հունիսի 4-ին Ալավերդի-Թումանյան ճանապարհահատվածում տեսանք փոսերի պատճառով շարքից դուրս եկած, ճանապարհի երթեւեկելի մասում մնացած «Մերսեդես» մակնիշի ավտոմեքենա:
Ոսկան ՍԱՐԳՍՅԱՆ
