ԵՊՀ ժուռնալիստիկայի ֆակուլտետի ուսանողներն այսօր Մայր բուհում հանդիպեցին ՀՀ վարչապետի տիկին, «Հայկական ժամանակ» օրաթերթի գլխավոր խմբագիր Աննա Հակոբյանի հետ: Ուսանողներից մեկը նախ հետաքրքրվեց, թե Աննա Հակոբյանի գնահատմամբ, «Իմ քայլը» շարժման օրերին ինչպիսի՞ ազդեցություն ունեցան «ֆեյսբուքում» հայտնի օգտատերերը՝ մասնագիտացված լրատվամիջոցների աշխատանքի վրա: Ուսանողին հետաքրքրեց, թե արդյոք նրանք չեն խանգարել լրագրողներին: Աննա Հակոբյանն ասաց՝ ոչ միայն չեն խանգարել, այլեւ իրենց գրառումներով եւ տեսանյութերով նպաստել են լրագրողների աշխատանքին: Վարչապետի տիկինը նշեց, որ խոսքն, իհարկե, ապատեղեկատվության տարածման մասին չէ:
«Սոցցանցային դարաշրջանում յուրաքանչյուրն էլ կարող է «սեւացնել» որեւէ պաշտոնյայի: Դա, իհարկե, տգեղ եւ քննադատելի երեւույթ է»,-նկատեց Աննա Հակոբյանը:
Ապա ուսանողներից մեկը հետաքրքրվեց՝ քաղաքական կարգավիճակից հետո ի՞նչ ճանապարհով պետք է առաջնորդվի երկիրը՝ օրենքո՞վ, թե…
Աննա Հակոբյանը պատասխանեց. «Հեղափոխությունից հետո ամեն ինչ պետք է օրենքով լինի: Եթե որոշ անձինք դեռ չեն գիտակցում դա, կարծում եմ, պատճառը անցումային փուլն է: Կարծում եմ՝ շուտով ամեն ինչ իր տեղը կընկնի»:
https://www.facebook.com/aravot.am/videos/2013446312007207/
Լուիզա ՍՈՒՔԻԱՍՅԱՆ
