«Ամերիկյան նամակներն Ադրբեջանի նախագահին առաջին հերթին իրենց լոբբիստների ակտիվ աշխատանքի հետևանքն է»,- «168 ժամի» թղթակցի հետ զրույցում այս մասին ասել է քաղաքագետ Սուրեն Սարգսյանը, անդրադառնալով հարցին, թե ինչով է պայմանավորված Միացյալ Նահանգների «նամակային գրոհը» ուղղված Ադրբեջանի նախագահ Իլհամ Ալիևին:
Քաղաքագետը տեղեկացրել է, որ սովորաբար նման նամակները կազմում է կա´մ ԱՄՆ Պետքարտուղարությունը, կա´մ տվյալ երկրներում ԱՄՆ դեսպանությունները, կա´մ ԱՄՆ Անվտանգության խորհուրդը: Նրա կարծիքով, շնորհավորական նամակներից առնվազն երկուսն Անվտանգության խորհրդի քարտուղարի կողմից են կազմվել, նույն մարմինն է կազմել նաև շնորհավորական նամակը Փաշինյանի ընտրության կապակցությամբ:
«ՀՀ Ազգային անվտանգության խորհուրդը ևս պետք է ակտիվ աշխատեր, որ մենք նման նամակ ստանայինք ՀՀ Առաջին Հանրապետության 100-ամյակի առիթով, և ընդհանրապես պետք է լավ աշխատել, որպեսզի ավելի ակտիվանան հայ-ամերիկյան հարաբերությունները:
Մենք տեսնում ենք, որ մեր հարևանն այս ուղղությամբ անում է աշխատանք, ունի հստակ հետաքրքրություն, չպետք է հետ ընկնենք իրենց կողմից տարվող աշխատանքներից, պետք է առավել ակտիվ ու նախաձեռնող լինենք, այլ ոչ թե հետևենք նրանց օրինակին: Ստացվում է, որ ներկայումս նրանք մի քանի քայլ առաջ են»,- նման տեսակետ է հայտնել Սուրեն Սարգսյանը»,-գրում է թերթը:
Հոդվածն ամբողջությամբ կարող եք կարդալ «168 ժամ» թերթի այսօրվա համարում
