Մի խումբ մասիսցիներ երեկ համացանցով դիմել էին համաքաղաքացիներին՝ բոլորին կոչ անելով այսօր առավոտյան 9:30-ին հավաքվել Մասիս քաղաքի հրապարակում՝ իրենց քաղաքապետ Դավիթ Համբարձումյանի ազատությունը պահանջելու նպատակով:
Մասիսի քաղաքապետը եւ նրա տեղակալ Կարեն Օհանյանը կասկածվում են ապրիլի 22-ին Էրեբունի վարչական շրջանում տեղի ունեցած անկարգություններին անմիջական մասնակցություն ունենալու մեջ:
Մասիսցիների մի մասը արձագանքել է կոչին, իսկ այսօր տասնյակ քաղաքացիներ շրջափակել են Կենտրոն եւ Նորք Մարաշ ընդհանուր իրավության դատարանի շենքը «Ազատություն Դավիթին» վանկարկումներով ու պաստառներով՝ պահանջելով ազատ արձակել Դավիթ Համբարձումյանին:
Քաղաքապետը դատարանում է, որտեղ քննարկում են նրա խափանման միջոցը փոխելու որոշումը:
Աշոտ ՀԱԿՈԲՅԱՆ
