Կրթության եւ գիտության նախարար Արայիկ Հարությունյանն այսօր կառավարության նիստից հետո պատասխանելով լրագրողների հարցերին՝ ասաց, որ իր ղեկավարած ոլորտում, հավանաբար, առաջիկայում կոռուպցիոն բացահայտումներ կլինեն. «Հիմա մենք ուսումնասիրություններ ենք անում: Հարցին՝ ո՞ր համակարգում, նախարարը պատասխանեց՝ բոլոր՝ միջին մասնագիտական, դպրոցներում:
Պատժվողներ կլինե՞ն հարցին էլ Արայիկ Հարությունյանն ասաց, որ կրթության նախարարությունը չէ պատժողը, նախարարությունը ներկայացնում է համապատասխան մարմիններին, դատական եւ իրավապահ մարմինները զբաղվում են:
Ինչ վերաբերում է կառավարության նիստում քննարկված տարկետման իրավունքի ընդարձակման հարցին, պարոն Հարությունյանն ասաց, որ շեմը նվազեցրել են, քանի որ նախկին կարգավորմամբ շեմերն այնքան բարձր են եղել, որ բուհական համակարգում եւ գիտական շրջանակների մասնագետներ կային, որ այդ շեմերը չէին հաղթահարում: Նախարարն ասաց, որ ՊՆ-ի հետ էլ քննարկումների արդյունքում եկել են որոշակի փոխզիջման:
Մանրամասները՝ տեսանյութում
Լուսինե ԲՈՒԴԱՂՅԱՆ
