Մայիսի 31-ին ԱՄԷ-ում անցկացվեց շախմատի կայծակնային մրցաշար, որին մասնակցում էին տարբեր երկրների 136 շախմատիստներ: Մրցաշարի մասնակից 5 գրոսմայստերների թվում էր նաև ՀՀ շախմատի հավաքականի անդամ, Գրոսմայստերական դպրոցի հիմնադիր, գրոսմայստեր Գաբրիել Սարգսյանը:
Մրցաշարն անցկացվեց կայծակնային շախմատի կանոնակարգի համաձայն՝ յուրաքանչյուր մասնակցին հատկացվեց 3 րոպե խաղաժամանակ՝ ամեն քայլին 2 վայրկյան հավելումով՝ սկսած 1-ին քայլից:
Գաբրիել Սարգսյանը 9 խաղափուլերից 8-ում հաղթանակներ տոնեց, կրեց ընդամենը 1 պարտություն և ԱՄԷ- ներկայացուցիչ, գրոսմայստեր Սալեմ Սալեհի հետ վաստակեց 8 միավոր:
Մրցաշարի չեմպիոնին որոշելու համար հաշվարկվեցին լրացուցիչ ցուցանիշները: Քանի որ 6-րդ խաղափուլում Գաբրիել Սարգսյանը հաղթել էր Սալեմ Սալեհին, ոսկին բաժին հասավ Սարգսյանին:
Նկատենք, որ սա արդեն Գաբրիել Սարգսյանի 2-րդ անընդմեջ ոսկե մեդալն է: Մայիսի 25-ին Շարժայում անցկացված շախմատի միջազգային 23-րդ կայծակնային մրցաշարում Գաբրիել Սարգսյանը ոսկե մեդալ էր նվաճել:
Գրոսմայստերական դպրոցի մամուլի քարտուղար՝
Նարեկ Վարազդատյան
