Ի պատասխան պատգամավոր Հայկ Խանումյանի հայտարարության
Պարոն Խանումյան, իհարկե, Արցախի Հանրապետությունում պաշտպանվում է խոսքի և կարծիք արտահայտելու ազատությունը, սակայն դա չի նշանակում, որ կարելի է ԱԺ նախագահին ու նրա գործունեությունը վարկաբեկող պոպուլիստական հայտարարություններ հնչեցնել:
Անիմաստ համարելով անդրադառնալ անգործության, պատգամավորների գործունեությանը խոչընդոտելու ու օրենքը խախտելու վերաբերյալ չհիմնավորված մեղադրանքներին, ԱԺ աշխատանքների հրապարակայնությանը խոչընդոտելու այսօրվա հայտարարությանը՝ ԱԺ նախագահը լիագումար նիստին պատասխանել էր, որ պատգամավորներին հուզող հարցերի շուրջ առաջիկայում հանդիպում-քննարկում կունենա խմբակցությունների ղեկավար կազմի հետ:
Ինչ վերաբերում է նիստերին լրագրողների մասնակցությանը ու ընդհանրապես, խորհրդարանի գործունեությանը հանրության առավել լայն շերտերին հասանելի դարձնելուն, ապա տեղեկացնում եմ, որ օրեր առաջ ԱԺ նախագահը խորհրդակցություն էր անցկացրել և աշխատակազմին հանձնարարել զբաղվել նիստերի ուղիղ հեռարձակումը ապահովելու տեխնիկական հնարավորության հարցերով:
Անուշ Ղավալյան
Արցախի Հանրապետության Ազգային ժողովի նախագահի մամուլի քարտուղար
