Եվս մեկ օր՝ և երեխաների համար կբացվի օրացույցի ամենասիրելի էջը: Հունիսի մեկն ամռան առաջին և երեխաների պաշտպանության օրն է: Տոն, որին անհամբեր սպասում են բոլոր փոքրիկները, հատկապես մանկատների և հատուկ դպրոցների երեխաները:
365 օր, 24 ժամ ու ամեն վայրկյան՝ նրանք ունեն պաշտպանության ու հոգատարության կարիք: Կյանքի համար՝ իրենց պայքարում երեխաներն ավելի ուժեղ են դառնում, երբ հոգատար վերաբերմունք են ստանում: Հունիսի մեկին ընդառաջ՝ հանրապետության բոլոր մանկատներն ու բոլոր հատուկ դպրոցները դիմավորել են իրենց մշտական հյուրերին: «Գրանդ Քենդի» ընկերությունն ապահովում է այս երեխաների մանկության ևս մեկ հիշարժան դրվագ:
Մի քանի ժամ երեխաները պարել են, երգել, խաղացել և ուրախացել փափուկ հերոսների հետ: Քաղցրավենիքով բեռնված մեքենանների ուղղությունները տարբեր են՝ սկսած Երևանից մինչև հանրապետության հեռավոր քաղաքներ: Որպես բարի ավանդույթ՝ «Գրանդ Քենդի» ընկերության նախագահ Կարեն Վարդանյանը տոն է դարձրել Երեւանի եւ մարզերի բոլոր մանկատներում բնակվող ու բոլոր հատուկ դպրոցներում սովորող երեխաների օրը:
Բարերարը բոլոր մանկատներին, նվերներից բացի, տրամադրել է ընդհանուր առմամբ՝ 20 մլն դրամ հրատապ կարիքները հոգալու համար: Երեխաների պաշտպանության օրվան նվիրված՝ աջակցություն է ստացել նաև արյունաբանական կենտրոնը: Արյան քաղցկեղ ունեցող երեխաներին առողջ մանկություն վերադարձնելու համար 10 մլն դրամ է հատկացվել: Մանրամասները` տեսանյութում:
https://youtu.be/w3ehoYRGrdU
