Պետեկամուտների կոմիտեի նախագահն այսօր լրագրողների հետ զրույցում հերքել էր, թե ՊԵԿ աշխատակիցներն են այսօր ներխուժել ՀՀԿ-ական պատգամավոր Սամվել Ալեքսանյանին պատկանող «Երեւան Սիթի» ընկերության գրասենյակ։
Aravot.am-ը ԱԱԾ մամուլի խոսնակ Սամսոն Գալստյանից հետաքրքրվեց, թե բացառապես ԱԱԾ աշխատակիցնե՞րն են եղել այդ անձինք։ Նա ասաց, որ կարող է հաստատել, որ ԱԱԾ աշխատակիցները համապատասխան գործողություններ են իրականացնում «Երեւան Սիթիի» կենտրոնական գրասենյակում, իսկ արդյունքների մասին կհայտարարեն երեկոյան։
Հետաքրքրվեցինք, թե արդյոք ճի՞շտ են լուրերը, որ ԱԱԾ աշխատակիցները նաեւ Սամվել Ալեքսանյանի տուն են ներխուժել, Սամսոն Գալստյանը նշեց, որ ինքը նման տեղեկություններ չունի։
Իսկ կա՞ն արդյոք «Երեւան Սիթիի» գրասենյակից առգրավված իրեր, մեր զրուցակիցը հորդորեց սպասել, մինչեւ երեկոյան ԱԱԾ-ն պաշտոնական տեղեկություն տարածի։
Լուիզա ՍՈՒՔԻԱՍՅԱՆ
