Այսօր ԱԺ-ում լրագրողների հետ զրույցում Հանրային ծառայությունները կարգավորող հանձնաժողովի փոխնախագահ Միքայել Սողոմոնյանն ասաց, որ ինչպես նախորդ տարիներին, այս տարի եւս քննարկվում է ջրի սակագնի սուբսիդավորման հարցը:
Այս օրերին քննարկում են էլեկտրաէներգիայի եւ գազի սակագերի նվազման հարցը՝ էներգետիկ ենթակառուցվածքների եւ բնական պաշարների նախարարության հետ. «Քննարկումների արդյունքների մասին կասենք»:
Թե քանի՞ տոկոսով նվազեցնելու հնարավորություն կա՝ նա պատասխանեց, որ այս պահին չի կարող ասել. «Էլեկտրաէներգիայի եւ բնական գազի սակագները բազմագործոն սակագներ են, կապված են բազմաթիվ գործոնների հետ, հիմա այս քննարկումների արդյունքում փորձում ենք հասկանալ՝ կա՞ այդ գործոնների ազդեցությունը: Քննարկում ենք սակագները իջեցնելու հարցը»:
Հարցին՝ իսկ ջրի սակագնը հնարավոր չի՞ իջեցնել՝ նա պատասխանեց, որ այս պահի դրությամբ նախատեսված է արդեն սակագնային սցենար, այն կառավարության կողմից հաստատված է:
Հռիփսիմե ՋԵԲԵՋՅԱՆ
