«Մասնագետները նախնական քննարկումներ են սկսել`արդյոք հնարավոր կլինի էլեկտրաէներգիայի սակագնի նվազեցում»,-այսօր խորհրդարանում լրագրողների հետ զրույցում ասաց ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը: Քննարկումը սկսվել է երեկ երեկոյան, դրանք դեռ շարունակվում են: Նախարարն ասաց, որ դրանց արդյունքների մասին կտեղեկացնեն, երբ քննարկումներն ավարտվեն:
Հիշեցնենք, երեկ, ՀՀ էներգետիկ ենթակառուցվածքների և բնական պաշարների նախարարությունում քննարկում է եղել Հանրային ծառայությունները կարգավորող հարցերի հանձնաժողովի ներկայացուցիչների մասնակցությամբ` էլեկտրաէներգիայի սակագնի նվազեցման վերաբերյալ:
Լրագրողների հարցերին`նախնական հաշվարկներ կա՞ն, ինչի՞ց է կախված սակագնի նվազեցման հնարավորությունը, նախարարը պատասխանեց`քննարկումները կավարտվեն, նոր կխոսի այդ ամենի մասին:
Հարցին` հնարավո՞ր է քննարկումների արդյունքում պարզվի, որ սակագնի նվազեցման հնարավորություններ չկան, նախարարը պատասխանեց`քննարկումները դրա համար են, որ հնարավորությունները տեսնենք: Արդյունքների մասին, նախարարն ամեն կերպ խուսափեց հստակ հայտարարություններ անելուց:
Մանրամասները`տեսանյութում
Նելլի ԳՐԻԳՈՐՅԱՆ
