«Պետական համակարգում փորձառություն ունեցողները գիտեն, թե ինչպես է իրականացվում ՀՀ Ազգային ժողովի նախագահին հրավիրելը։ Փորձառություն ունեցող պետական պաշտոնյաները, մասնավորապես աշխատակազմերում ծառայություն իրականացնողները, գիտակցում են, որ օրենսդիր իշխանության կամ ԱԺ նախագահի հրավերը սոսկ ներկայություն ապահովելը չէ, այլ՝ արարողակարգի հիմնադրույթների ամբողջական պահպանում։ Պետական միջոցառման հրավիրելը պետական արարողակարգային գործողությունների ամբողջության ապահովումն է»,- գրել է Արսեն Բաբայանը։
Արսեն Բաբայանի բարձրաձայնած այն խնդիրը, այն է՝ Բաբլոյանի ներկայությունն ապահովված չի եղել նախագահի եւ վարչապետի կողքին՝ նույն հարթության վրա, փորձեցինք պարզել վարչապետի աշխատակազմի ղեկավարից։ Սակայն Էդուարդ Աղաջանյանը ամբողջ աշխատանքային օրվա ընթացքում մեր զանգերն անպատասխան թողեց, խուսափեց անդրադառնալ այս հարցին, իսկ օրվա ավարտին նրա գործավարուհին փոխանցեց, որ այն, ինչ ունի թեմայի վերաբերյալ ասելու, արդեն նախորդ օրվա գրառման մեջ տեղ է գտել։
Այսպիսով «օդից կախված» է մնում հարցը, թե Բաբլոյանը պետք է կանգնած լիներ հարթակո՞ւմ, թե՝ ոչ։
Նարեկ ԿԻՐԱԿՈՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
