«Աղքատության դեմ պայքարը իրականում տնտեսության զարգացման, աշխատանքի ապահովման հնարավորության մեջ է»,- խորհրդարանում լրագրողների հետ զրույցում ասաց Աշխատանքի եւ սոցիալական հարցերի նախարար Մանե Թանդիլյանը: Նախարարն ասում է` տնտեսության զարգացումը ամբողջ պետության գործն է. «Ստեղծվեն պայմաններ, որտեղ մարդիկ աշխատեն եւ աղքատությունը նվազի»:
Մանե Թանդիլյանն, ի դեպ չհամաձայնեց լրագրողներից մեկի այն դիտարկմանը, որ ինքը ժառանգել է «աղքատության նախարարություն»: Բայց համաձայն է`Հայաստանում առկա աղքատությունը առավելապես անդրադառնում է իր ղեկավարած նախարարության վրա: «Մենք ավելի շատ պետք է աշխատենք: Բայց ժամանակ կպահանջվի, դա տնտեսական ցուցանիշների հետ է սերտ կապված»,- ասաց նա:
Նելլի ԳՐԻԳՈՐՅԱՆ
