Հայոց ցեղասպանության ճանաչման հարցը, որը Իսրայելի Քնեսեթը դիտարկելու էր մայիսի 28-ին, հանվել է օրակարգից: Այս մասին հաղորդում է Jerusalem Post-ը:
Քնեսեթի խոսնակ Յուլի Էդելշտեյնի մամուլի քարտուղարը, պարզաբանելով այս որոշումը, ասել է. «Պատճառը Քնեսեթի խայտառակությունից խուսափելն էր, քանի որ պարզ չէր՝ արդյոք մեծամասնությունը կողմ կքվեարկեր բանաձևին»:
Յուլի Էդելշտեյնը բազմիցս կողմ է արտահայտվել Հայոց ցեղասպանության ճանաչմանը, նույնն արել է նաև օրեր առաջ: Նա, մասնավորապես, ասել էր, որ եկել է ժամանակը, որպեսզի Իսրայելը միանա հայերի ցեղասպանությունը ճանաչած 28 երկրներին: Խոսնակը նաև քննադատել էր իր այն գործընկերներին, որոնք այս քայլին աջակցում են բացառապես որպես դիվանագիտական պատասխան Թուրքիայի հակաիսրայելական քաղաքականությանը:
Պատրաստեց՝ ՎԻԿՏՈՐՅԱ ԱՆԴՐԵԱՍՅԱՆԸ
