Գյումրու քաղաքապետ Սամվել Բալասանյանը որոշել է 6-ով կրճատել ծառայողական մեքենաների թիվը։ Այս մասին Aravot.am-ին տված հարզազրույցում տեղեկացրեց քաղաքապետը։
«Մենք էլ մտածեցինք ծառայողական մեքենաների թիվը կրճատել, որոշ բաժիններ միացրեցինք, մեկ մեքենա տրամադրեցինք և ծառայողական վեց մեքենա հիմա հանում ենք։ Իհարկե, այս միջոցով գումարներ կտնտեսենք, որը կարող է օգուտ տալ փողոցաշինությանը, արտաքին լուսավորությանը, ընդհուպ մինչև կապիտալ շինարարության համար կօգտագործենք»,- ասաց Սամվել Բալասանյանը։
Թե ինչքան գումար կտնտեսեն, Գյումրու քաղաքապետն ասաց, որ հանձնաժողով է ձևավորվել, այս պահին հաշվարկ են կատարում, ամսի 29-ին, այսինքն` վաղը իրեն կզեկուցեն, և քաղաքապետարանը հանդես կգա հայտարարությամբ։
Նունե ԱՐԵՎՇԱՏՅԱՆ
