Aravot.am-ի հարցին, թե ատոմակայանի աշխատակիցները պարբերաբար հարց են հնչեցնում աշխատավարձերը բարձրացնելու, վստահեցնելով, որ այլ երկրներում իրենց պես մասնագետները մի քանի անգամ ավելի բարձր են ստանում, նոր կառավարության հետ նման հարց քննարկվե՞լ է, ՀԱԷԿ-ի տնօրեն Մովսես Վարդանյանը պատասխանեց, որ ատոմակայանում միջին աշխատավարձը 300 հազար դրամ է:
Ըստ պարոն Վարդանյանի, Հայաստանի պայմանների համեմատությամբ աշխատավարձը կարելի է բարձր համարել, բայց համեմատելով այլ երկրների նույն աշխատանքը կատարող մասնագետների հետ՝ ցածր է:
Մովսես Վարդանյանը նաեւ ասաց, որ այդ հարցի շուրջ քննարկումներ եղել են: Հարցը պատրաստվում էին նաեւ քննարկել այսօր ատոմակայանում շրջայցի եկած էներգետիկ ենթակառուցվածքների եւ բնական պաշարների նախարար Արթուր Գրիգորյանի հետ:
Մանրամասները՝ դիտեք տեսանյութում
Տնօրենի տվյալներով, այս պահին ՀԱԷԿ-ն ունի 1812 աշխատող:
Լուսինե ԲՈՒԴԱՂՅԱՆ
