Քիչ ՀՀ Կենտրոնական ընտրական հանձնաժողովն (ԿԸՀ) արտահերթ նիստի ընթացքում քննարկեց Ալեն Սիմոնյանին ավագանու մանդատից զրկելու, նրա փոխարեն ԵԼՔ դաշինքի ցուցակում ընդգրկված հաջորդ թեկնածուին մանդատ տրամադրելու հարցը:
Քվորումն ապահովված էր, և ԿԸՀ նախագահ Տիգրան Մուկուչյանը հայտարարեց, որ հիմք ընդունելով Երևանի քաղաքապետ Տարոն Մարգարյանի՝ Երևանի ավագանու անդամ Ալեն Սիմոնյանի ավագանու անդամի լիազորությունները դադարեցնելու մասին՝ մայիսի 24-ի արձանագրությունը և ղեկավարվելով ՀՀ ԸՕ 141-րդ հոդվածի 8-րդ մասով՝ ԿԸՀ-ն արձանագրություն է կազմել: Փաստաթղթի համաձայն՝ Ալեն Սիմոնյանի մանդատը տրամադրվում է ԵԼՔ կուսակցությունների դաշինքի ցուցակի հերթական հաջորդ թեկնածու Նաիրա Անդրանիկի Հովհաննիսյանին:
Տիգրան Մուկուչյանի փոխանցմամբ՝ ավագանու նիստի ավարտից հետո սահմանված կարգով այն կտրվի ավագանու նոր անդամին:
Տաթև ՀԱՐՈՒԹՅՈՒՆՅԱՆ
