Սինգապուրում բացվել է հայկական թանգարան, որն առաջինն է Ասիայի տարածքում: Այս մասին հաղորդում է The Straits Times պարբերականը:
Թանգարանը պատմում է, թե ինչ մասնակցություն է ունեցել հայ համայնքը Սինգապուրի կյանքին: Այստեղ ներկայացված է տեղեկատվություն Հայաստանի պատմության, համաշխարհային գիտության, մշակույթի, պատմության մեջ հայերի ունեցած ներդրման մասին:
Տեղեկատվության համաձայն՝ թանգարանի պաշտոնական բացումը տեղի է ունեցել մայիսի 24-ին: Միջոցառմանը մասնակցել են Սինգապուրի Ազգային ժառանգության խորհրդի գործադիր տնօրեն Չանգ Խվի Նին, Ավստրալիայի և Նոր Զելանդիայի հայոց թեմի ներկայացուցիչ Հայկազուն եպիսկոպոս Նաջարյանը:
Թանգարանի ստեղծման համար պահանջվել է 1.2 միլիոն դոլար:
Պարբերականը նշում է, որ Սինգապուրի հայ համայնքը հին պատմություն ունի: Այդ երկրի ականավոր հայերից էր Քաջիկ Մոսեսը, որը 1845-ին հիմնել է The Straits Times-ը, Սարգիս եղբայրները, որոնք 1887-ին հիմնել են Raffles հյուրանոցը, գիտնական Ագնես Ջոակիմը (Աշխեն Հովակիմյան), որը 1800-ականների վերջում բուծել է Vanda teres և Vanda hookeriana խոլորձների տեսակները: Վերջինս դարձել է Սինգապուրի խորհրդանիշ ծաղիկը:
Պատրաստեց՝ ՎԻԿՏՈՐՅԱ ԱՆԴՐԵԱՍՅԱՆԸ
