Այսօր կառավարության նիստում ոստիկանապետ Վալերի Օսիպյանը անդրադարձավ հանրության այն մտահոգություններին, որ կառավարության որոշման արդյունքում կարող է խտրական վերաբերմունք դրսեւորվել տուգանքները բարեխիղճ վճարած եւ դեռեւս չվճարած վարորդներին դրանք ներելու վերաբերյալ: Քաղաքացիները կարծում են, որ բարեխիղճ վարորդների վճարած տուգանքները պետք է վերադարձվեն: Օսիպյանի այս դիտարկումներին Նիկոլ Փաշինյանը պատասխանեց, որ շատերը չեն վճարել, որովհետև մեծ հավանականությամբ չեն ունեցել այդ գումարը. «Հիմա, ես էլ եմ վճարել, պարոն Օսիպյանն էլ է վճարել, պարոն Զեյնալյանը չի վճարել, բայց քաղաքական իրողություն փոխվելուց հետո կվճարի»,- կատակեց նա:
Արդարադատության նախարար Արտակ Զեյնալյանն ասաց, որ վարչական տուգանքների համաներման մասին նախագիծ է մշակվել ու դրվել հանրային քննարկման. «Առաջարկում ենք մշակել հայեցակարգ, թե ինչ լուծումներ ենք առաջարկում այս ոլորտում: Դրանցից առաջինը պետք է լինի այն, որ ճանապարհային երթևեկության կանոնները պետք է հաստատվեն ԱԺ կողմից՝ օրենքով»,- ասաց նա:
Լուսինե ԲՈՒԴԱՂՅԱՆ
