Քիչ առաջ «Սասնա ծռերի» գործով դատավորներից Արտուշ Գաբրիելյանը հրապարակեց ամբաստանյալներից Կարո Եղնուկյանի խափանման միջոց կալանքը վերացնելու մասին միջնորդության որոշումը:
Ըստ այդմ, Եղնուկյանի պաշտպան Տիգրան Հայրապետյանի այսօր ներկայացրած միջնորդությունը մերժվեց, սակայն դատարանը որոշել է գրավ կիրառել: Երբ կներկայացվի համապատասխան փաստաթուղթ, որ նա դատարանի դեպոզիտի հաշվին փոխանցել է տասը միլիոն դրամ, ազատ կարձակվի գրավի դիմաց:
Հիշեցնենք, որ սփյուռքահայ, «Հիմնադիր խորհրդարան» ընդդիմադիր շարժման համակիր Կարո Եղնուկյանը մեղադրվում է «Սասնա ծռեր» զինված խմբին օժանդակելու համար: Դատարանի նշյալ որոշումը ենթադրում է, որ նա գրավի վճարման դեպքում այլեւս նիստերին չի ներկայանա կալանավորի կարգավիճակում:
Լուիզա ՍՈՒՔԻԱՍՅԱՆ
