Հարցազրույց ԱԺ նախկին նախագահ, ՀՀԿ խորհրդարանական խմբակցության անդամ ՍԱՄՎԵԼ ՆԻԿՈՅԱՆԻ հետ
– Տարածված կարծիքներից մեկն էլ այն է, թե ՀՀԿ-ն սպասում է իր ժամին, հույս ունեք, որ կառավարությունը երկու-երեք ամսում կձախողվի, եւ դուք կվերադառնաք իշխանության։
– Ճիշտն ասած, մենք թեթեւացած շունչ ենք քաշում, մինչեւ հիմա ով ինչ աներ, ինչ ասեր՝ պատասխանատուն ՀՀԿ-ն էր, հանրապետական պատգամավորները, որոնք փորձում էին պաշտպանել կառավարության նախաձեռնությունները, երբեմն նաեւ՝ անպաշտպանելին։
Հիմա այլեւս խնդիր չունենք՝ անհարմար զգալու, պատասխանելու այս կամ այն նախարարի անհաջող արտահայտության համար, մեկնաբանելու, բացատրելու, ուղղելու, հղկելու եւ այլն։ Այսօր չունենք այդ խնդիրը՝ ով ինչ հիմարություն ուզում է՝ թող դուրս տա, մենք դրա հետ որեւէ կապ չունենք, բայց չենք չարախնդում, երբ տեսնում ենք՝ որեւէ նախարար կամ այլ պաշտոնյա մտքեր է արտահայտել, որ երկու-երեք ամիս աշխատելուց հետո երեւի չէր բարձրաձայնի։
Պատասխանատու, իշխանության բեռը տեսած քաղաքական ուժը երբեք չի կարող չարախնդալ ուրիշի անհաջողությունից, մարդիկ մտել են մի բեռի տակ, որի ծանրությունը դեռ ամբողջությամբ չեն զգում։ Նման դեպքերում յուրաքանչյուր պարկեշտ մարդ պետք է ասի՝ հաջողություն ձեզ, Աստված ձեզ հետ, մենք էլ այս, այս, այս հարցերում կփորձենք ձեզ օժանդակել։
– Նիկոլ Փաշինյանն ասում էր, որ պատրաստվում է ազգային համաձայնության կառավարություն ձեւավորել։ Այն, ինչ այսօր տեսնում ենք, տեղավորվո՞ւմ է այդ հասկացության մեջ։
– Ճիշտն ասած, այնքան էլ չեմ հասկանում այդ արտահայտությունը. ազգային համաձայնության կառավարության մասին խոսողները թող բացատրեն՝ ինչ է դա եւ սահմանադրության որ կետով է ամրագրված։ Սա տիպիկ կոալիցիոն կառավարություն է՝ կոալիցիոն պատասխանատվությամբ, եւ վերջ։
Լիլիթ ՊՈՂՈՍՅԱՆ
Հոդվածն ամբողջությամբ կարող եք կարդալ «Հայոց աշխարհ» թերթի այսօրվա համարում
