«Գյուղատնտեսական վարկերը համեմատաբար մատչելի են, քան մյուս վարկերը: Դրանք օգտագործում են սկսած խոպանի համար ավիատոմս գնելուց մինչեւ բանակի քեֆ, նշանդրեք անելը»,- այսօր խորհրդարանում լրագրողների հետ զրույցում ասաց ՀՀ գյուղատնտեսության նորանշանակ նախարար Արթուր Խաչատրյանը:
Կառավարության վերջին նիստում վարչապետ Նիկոլ Փաշինյանը խոսել էր գյուղատնտեսական վարկերի համաներումների մասին: Լրագրողները նախարարից հետաքրքրվեցին`արդեն քայլեր արե՞լ են այդ ուղղությամբ: Նախարարն ասաց`դրանք զանգվածաբար համաներելը ճիշտ չէ: «Պետք է նայել ու հասկանալ, թե որո՞նք են իրոք այն վարկերը, որոնք մարդիկ գյուղատնտեսական նպատակներով են վերցրել»,- ասաց Արթուր Խաչատրյանը:
Նելլի ԳՐԻԳՈՐՅԱՆ
