ԳԹԿ տնօրեն Արա Իսպրիյանը գրել էր, թե ինչպես են կառավարության աշխատակազմի ղեկավարի անունից զանգել ու ասել, որ հեռանա: Նաեւ հավելել էր, որ ցանկալի կլիներ, որ ՀՀ –ում որևէ մեկին աշխատանքից ազատվելու պահանջ ներկայացնելուց առաջ նախ ծանոթանային նրա հետ (եթե ծանոթ չեն), զրուցեին, օբյեկտիվորեն գնահատեին նրա կատարած աշխատանքը, և եթե այն լավ է կատարվել, շնորհակալություն հայտնեին նրան:
Aravot.am-ը ԿԳ նորանշանակ նախարարից հետաքրքրվեց`ինչպե՞ս է վերաբերվում ԳԹԿ տնօրենի գրառմանը: Նաեւ հարցրինք` շարունակվելո՞ւ է հեռախոսազանգերի միջոցով աշխատանքից ազատելու պահանջ ներկայացնելը այլոց դեպքում:
ԿԳ նախարարն ընդամենն ասաց, որ տեղյակ չէ Արա Իսպիրյանի գրառմանը, ապա հավելեց. «Ժամանակ չի լինում մամուլին հետեւելու, իր արձագանքն էլ չեմ լսել: Իսկ եթե ասել են գնա, ուրեմն դրա տակ ինչ-որ բան կա»:
Գոհար ՀԱԿՈԲՅԱՆ
