ՀՀ Ազգային վիճակագրական ծառայությունը հրապարակել է 2018 թվականի հունվար ապրիլ ժամանակահատվածի նախնական մակրոտնտեսական ցուցանիշները։
Տնտեսական ակտիվության ցուցանիշի (ՏԱՑ) հավելաճն այս տարվա հունվար-ապրիլին՝ նախորդ տարվա նույն ժամանակահատվածի համեմատ կազմել է 9.7%։ 12-ամսյա կտրվածքով (այս տարվա ապրիլը՝ նախորդ տարվա ապրիլի համեմատ) ՏԱՑ-ն աճել է 7.3%-ով։
Ըստ ոլորտների՝ ամենատպավորիչ աճը գրանցել է շինարարությունը։ 2018թ. հունվար-ապրիլին իրականացված շինարարության ծավալը կազմել է 64.8 մլրդ դրամ, ինչ 21.8%- ով գերազանցնում է 2017թ. նույն ժամանակահատվածի ցուցանիշը։
Արդյունաբերական արտադրանքի ծավալը հաշվետու ժամանակահատվածում աճել է 5.2%-ով և կազմել 522.1 մլրդ դրամ։
Ծառայությունների ծավալը (առանց առևտրի) աճել է 17.6%-ով և կազմել 487.1 մլրդ դրամ, ներքին առտևտրաշրջանառության ծավալն աճել է 10.3%-ով և կազմել 787.6 մլրդ դրամ։ Ամենաթույլ աճը 2.2%, գրանցվել է գյուղատնտեսության ոլորտում՝ ծավալը՝ 129.4 մլրդ դրամ։
Արտաքին առևտրաշրջանառությունն աճել է 31.2%-ով և հունվար-ապրիլին կազմել 2 մլրդ 221.8 մլն դոլար։ Այդ թվում՝ արտահանումն աճել է 25.5%-ով և կազմել 764.5 մլն դոլար, իսկ ներմուծումն աճել է 34.3%-ով և կազմել 1 մլրդ 457.3 մլն դոլար։
Բաբկեն ԹՈՒՆՅԱՆ
Հոդվածն ամբողջությամբ կարող եք կարդալ «168 ժամ» թերթի այսօրվա համարում
Լուսանկարը՝ Նարինե ԿԻՐԱԿՈՍՅԱՆԻ
