ԵԱՀԿ Մինսկի խմբի համանախագահները հունիսին կլինեն Երեւանում՝ ծանոթանալու ՀՀ նոր ղեկավարության հետ: Այս մասին այսօր ԱԳՆ-ում լրագրողների հետ հանդիպմանը հայտարարեց ԱԳՆ մամուլի խոսնակ Տիգրան Բալայանը: Նա տեղեկացրեց, որ հանդիպման ժամկետները համաձայնեցվում են:
Ինչ վերաբերում է ՀՀ-ի եւ Ադրբեջանի արտգործնախարարների հնարավոր հանդիպմանը, նրա խոսքով՝ այդպիսի պայմանավորվածություն այս պահին չկա:
Տիգրան Բալայանը նշեց, որ ՀՀ-ի դիրքորոշումն Արցախյան հակամարտության առնչությամբ չի փոխվել. «Գտնում ենք, որ հակամարտությունը պետք է կարգավորվի բացառապես խաղաղ ճանապարհով՝ ԵԱՀԿ Մինսկի խմբի համանախագահության առաջարկների հիման վրա»:
Անդրադառնալով Պաշտպանության նախկին նախարար Վիգեն Սարգսյանի այն հայտարարությանը, թե վարչապետ Նիկոլ Փաշինյանի՝ «ՀՀ-ն հակամարտության կողմ է հանդիսանում» որակումը վտանգավոր է, Բալայանը հրաժարվեց դիտարկումներ անել: «Ներքաղաքական մեկնաբանություններին մաս կազմելուց կխուսափեմ»,-ընդգծեց նա՝ կարծիք չհայտնելով նաեւ Փաշինյանի նշյալ հայտարարության մասին:
Լուիզա ՍՈՒՔԻԱՍՅԱՆ
