«Հրաշալի է»,- սա ԴԱՀԿ նախկին պետ, ՀՀԿ խմբակցության պատգամավոր Միհրան Պողոսյանի արձագանքն է վարչապետ Նիկոլ Փաշինյանի երեկ արած հայտարարությանը`«օֆշորային սկանդալի» բացահայտման մասին:
Հիշեցնենք, մինչ այդ, ԱԱԾ նորանշանակ տնօրենն էր հայտարարել առաջիկայում կոռուպցիոն սկանդալների բացահայտման մասին:
Հարց հնչեց`հնարավո՞ր են օֆշորի գործով նոր բացահայտումներ եւ արդյոք դրանք իրեն չեն մտահոգում, քանի որ կարող է ճաղերի հետեւում հայտնվել, Միհրան Պողոսյանը պատասխանեց. «Չեմ վախենում ոչնչից, որովհետեւ ապրել եմ այնպես, ինչպես գտել եմ ճիշտ, ապրել եմ իմ խղճի, դաստիարակության համաձայն: Ինքս հանգամանորեն բազմիցս խոսել եմ այդ մասին. երբ որ չկա ինչ-որ բան, որից դու մտահոգված ես, որը ժամանակի ընթացքում ծածկված է եղել, ապա մտածելու շատ բան չկա: Շատ ուրախ կլինեմ, որ վերաբացվի գործը, որ մեկ անգամ եւս համոզմունք ապրի մեր հասարակությունը, որ այն ինչ ժամանակի ընթացքում ես ասել եմ, դա միայն եղել է ճշմարտություն»:
Մանրամասները` տեսանյութում
Նելլի ԳՐԻԳՈՐՅԱՆ
