«Դրա համար անհրաժեշտ են որոշակի օրենսդրական փոփոխություններ: Վարչապետը համապատասխան մարմիններին հանձնարարականներ տվել է: Կլինեն օրենսդրական բարեփոխումներ, որոնց արդյունքում այդ տույժ-տուգանքները կվերանան»,- խորհրդարանում, լրագրողների հետ զրույցում ասաց ՀՀ ԿԲ նախագահ Արթուր Ջավադյանը:
Հիշեցնենք, կառավարության վերջին նիստում վարչապետ Նիկոլ Փաշինյանը խոսել էր գյուղատնտեսական վարկերի տույժ-տուգանքները վերացնելու մեխանիզմների մասին:
Նիկոլ Փաշինյանը խոսել էր նաեւ բյուջետային տարբեր մեխանիզմների միջոցով գյուղատնտեսության ոլորտին աջակցելու մասին: ԿԲ նախագահը հստակեցնում է` խոսքը վերաբերվում է սուբսիդավորմանը. «Վարչապետը նաեւ ասաց, որ հնարավոր է ստեղծել նոր իրավիճակ` ավելի շատ հարկեր հավաքել եւ դրա հաշվին գյուղացիների վրա եղած բեռը թեթևացնել»:
Վերջին օրերին հանրության մեջ լուրեր են պտտվում վարկերի սառեցման կամ տոկոսադրույքների վերանայման մասին: Արթուր Ջավադյանը հստակեցրեց`այդ մասին «երբեւիցե չի խոսվել»:
Նելլի ԳՐԻԳՈՐՅԱՆ
