Արմեն Սարգսյանը ՀՀ նախագահի կարգավիճակում առաջին անգամ մայիսի 17-ին ներկա էր Ալ. Սպենդիարյանի անվան օպերայի եւ բալետի ազգային ակադեմիական թատրոնում
Տիգրան Չուխաջյանի «Արշակ Բ» հայկական ազգային դասական առաջին օպերայի ստեղծման 150-ամյակին նվիրված ներկայացմանը:
Օպերային թատրոն ունենալը ցանկացած երկրի համար ճոխություն է: Իսկ, օրինակ, Ռուսաստանի նման հզոր երկրում, որտեղ մշակույթի ոլորտը՝ ընդհանրապես, Մեծ թատրոնը՝ մասնավորապես, գտնվում են նախագահ Վլադիմիր Պուտինի ուշադրության կենտրոնում, Պետական դուման օրինաստեղծ գործունեությունից բացի՝ իր հերթին հատուկ ֆինանսական միջոցներ է հատկացնում ոլորտին: «Առավոտի» հարցին՝ ձեռք կմեկնի՞ օպերային թատրոնի կամ գեղարվեստական ղեկավար Կոնստանտին Օրբելյանի նախագծերի իրականացմանը, նախագահ Արմեն Սարգսյանը ժպտալով պատասխանեց. «Մեկը չէ, երկու ձեռքս կմեկնեմ…»:
ՍԱՄՎԵԼ ԴԱՆԻԵԼՅԱՆ
«Առավոտ»
19.05.2018
