«Թուրքական միայն մեկ ընդդիմադիր թերթ է օգտագործել «թավշյա հեղափոխություն» տերմինը, մնացածը համաջողովրդավարական շարժումը որակում էին որպես ըմբոստություն, ընդվզում, անհնազանդություն», այսօր լրագրողների հետ զրույցում ասաց թուրքագետ Անուշ Հովհաննիսյանը:
Ըստ մասնագետի, Նիկոլ Փաշինյանի դեռևս Արցախում արված հայտարարությունը, որ իրենք պատրաստ են համագործակցել Թուրքիայի հետ առանց նախապայմանների, հատկանշական էր և կոչված էր ընդգծելու, որ Հայաստանի արտաքին օրակարգը լուրջ փոփոխությունների չի ենթարկվելու:
Այդ հայտարարությանը արձագանքել է Թուրքիայի վարչապետ Բինալի Յելդրիմը՝ հետևյալ բովանդակությամբ. «Եթե Հայաստանը հրաժարվի Թուրքայի հանդեպ ունեցած իր թշնամական վերաբերմունքից, Թուրքիայի տարածքային ամբողջականության մասին սխալ դիրքորոշումից, Թուրքական կողմը պատրաստ է կշռադատել և պայմանավորվածություն ձեռք բերել»:
Մանրամասն՝ կարդացեք այստեղ
