Պետք է լուրջ վերլուծվեն վերջին տարիներին Հայաստանում ընտրությունները դիտարկած միջազգային դիտորդների եզրակացությունները եւ փորձել դրանց հիման վրա կառուցակարգեր ներդնել Ընտրական օրենսգրքում, դրանց չպահպանման դեպքում անպայման պատժիչ մեխանիզմներ սահմանել: Այս առաջարկն այսօր հնչեցրեց «Իրավաբանների հայկական ասոցիացիայի» նախագահ Կարեն Զադոյանը:
«Կառուցողական երկխոսության հանձնառություն» ծրագրի շրջանակներում այսօր կազմակերպվել էր «Կոռուպցիայի դեմ պայքարի արդի մարտահրավերներն ու առաջիկա անելիքները» խորագրով հակակոռուպցիոն աշխատաժողով:
Լրագրողները հետաքրքրվեցին քաղաքական կոռուպցիայի, մասնավորաբար ընտրակաշառքների ինստիտուտի չեզոքացման հնարավորություններով:
Քաղաքական կոռուպցիայի կանխարգելման հիմնական քայլերն, ըստ բանախոսի, ԸՕ-ի, ՀՀ քրեական օրենսգրքի եւ «Կուսակցությունների մասին» օրենքների վերափոխումն է:
«Օրինակ, պետք է արգելվի ընտրողների տեղափոխումը ընտրական տեղամասեր, մեծացնել շառավիղը, որը թույլ չի տալիս տեղամասերի մոտ կուտակումներ»,- ասաց Կարեն Զադոյանը: «Մարդկային զարգացման միջազգային» կենտրոնի նախագահ Թեւան Պողոսյանն էլ հավելեց. «Էլեկտրոնային բազաներն այնպիսին լինեն, որ վստահություն ներշնչեն»: Եվ որ, ամենակարեւորն է`քաղաքացիների գիտակցությունն է. վերցնե՞լ ընտրակաշառք, թե`ոչ:
Այլ մանրամասները`տեսանյութում
Նելլի ԳՐԻԳՈՐՅԱՆ
