Ծաոուկյան խմբակցությունից Նաիրա Զոհրաբյանն ասում է, որ ՀՀԿ-ն «վերարտադրվելու» շանս այլեւս չունի, ուստի, պետք է ամեն ջանք գործադրի, որ գործող ԱԺ-ն չլուծարվի եւ աշխատանքները շարունակի մինչեւ 2022 թվականը։
«Բոլորս էլ հասկանում ենք, որ այս շարժման ակորդը պետք է լինի խորհրդարանական արտահերթ ընտրությունը, որովհետեւ ստեղծվել է քաղաքական դիսբալանս։ Խորհրդարանում կա հանրության մեծամասնության կողմից չընդունված քաղաքական ուժ, իսկ կառավարությունը կազմված է խորհրդարանի քաղաքական փոքրամասնությունից։ Ես հասկանում եմ, որ Սահմանադրության երկու հայրերն այն գրել են Հանրապետականի «հոգով», բայց նրանց ամենավատագույն երազով չէր կարող անցնել, որ կլինի այնպիսի իրավիճակ, որ կառավարությունը չներկայացնի ԱԺ-ի մեծամասնությունը։ Մենք այսօր ունենք այդ իրավիճակը, որը ցանկացած պահի կարող է քաղաքական փակուղու առջեւ կանգնեցնել, այդ թվում՝ սահմանադրական փակուղային իրավիճակների։ Ուստի, մոտ ժամկետներում պետք է գնալ արտահերթ խորհրդարանական ընտրությունների՝ 2018 թվականի ընթացքում»,- ասաց Նաիրա Զոհրաբյանը։
Զոհրաբյանն ընդգծեց, որ մինչեւ ընտրությունները պետք է փոխել Ընտրական օրենսգիրքը, ինչպես նաեւ մեխանիզմներ ստեղծել կրկնաքվեարկությունից խուսափելու համար։
Նարեկ ԿԻՐԱԿՈՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
Բոլորդ միաբերան Ընտրական Օրենքի փոփոխման մասին եք բարձրաձայնում,ռեյտինգայինը հանելու նպատակով,բայց հաշվի չեք առնում,որ մարզերը Ազգային Ժողովում միայն այդ ձևաչափով կարող են ներկայացվել:Թե չէ ստացվելու է ,,ասֆալտի,,պատգամավորական ժողով՝միայն երևանցիներից կազմված…: