Երևանի քաղաքապետ Տարոն Մարգարյանին
Հարգելի պարոն Մարգարյան,
Կենտրոն վարչական շրջանի Թումանյան 30/1 հասցեում կառուցվելիք բազմաֆունկցիոնալ շենքի կառուցման օրինականությունը լուրջ կասկածի տակ է դրվում այդ տարածքի բնակիչների կողմից, որովհետև համաձայն ՀՀ Քաղաքաշինության մասին օրենքի հոդ.13-ի հասարակայնության ներկայացուցիչներն իրավունք ունեն մինչև նախագծերի հաստատումը մասնակցել դրանց քննարկումներին, ներկայացնել իրավական և նորմատիվ ակտերով հիմնավորված դիտողություններ, առաջարկություններ, այլընտրանքային նախագծեր և ծրագրեր, ինչպես նաև նախագծերը սեփական միջոցներով ենթարկել անկախ փորձաքննության, որը չի արվել:
Բնակիչների պահանջով խնդրում եմ տրամադրել հետևյալ փաստաթղթերը.
1.Տարածքի ինժեներաերկրաբանական հետազոտության պատճենը:
Քանի որ ըստ 14.11.2017թ տրված N 01/18-Ղ-2023-1121 շին.թույլտվությամբ նախատեսվում է կառուցել բարձր ռիսկայնության 4-րդ կարգի օբյեկտ, ապա պարտադիր պետք է լինի ինժեներաերկրաբանական փորձաքննության եզրակացությունը (հիմք ՀՀ Կառավարության 04.09.2003թ N 1530-Ն որոշման 2-րդ կետի 5-րդ ենթակետ, ՀՀ Կառավարության 19.09.2001թ N 882 որոշման հավելված 2-ի 4-րդ կետ, ՀՀ Կառավարության 19.03.2015թ N 596-Ն որոշման 75-րդ կետ )
2.Հաստատված նախագծի (ներառյալ շինաշխատանքների կազմակերպման նախագծի) օրինակը:
3.Քաղաքապետին կից քաղաքաշինության հանձնաժողովի քննարկման արձանագրության պատճենը:
4.Շինթույլտվության տալու ժամանակ հանրային քննարկումը հավաստող փաստաթղթի պատճենը ( հիմք ՀՀ Կառավարության 19.03.2015թ N 596-Ն որոշման 102,103,104-րդ կետեր, ՀՀ Կառավարության 28.10.1998թ N 660 որոշման 3-րդ կետ )
5.Կառուցվող շենքի ստորգետնյա ավտոկայանատեղիների և վերգետնյա հարկերի ներկա պահին քաղաքապետարանում ուսումնասիրվող կամ քննարկվող նախագիծը (սխեման).
6.Ծառերի ու թփերի հատման, ինչպես նաև բուսաշերտի տեղահանման իրականացման վերաբերյալ լիազորված մարմնի կողմից թույլտվությունը ( հիմք Երևան քաղաքի ավագանու 19.03.2013թ. N 623-Ն որոշման հավելված, Երևան քաղաքի ավագանու 18.11.2009թ. N 36-Ն որոշման հավելված` «Երևան քաղաքի ընդհանուր օգտագործման կանաչ տարածքների պահպանման և օգտագործման կանոններ » )
7.Ըստ Երևանի քաղաքապետարանի աշխատակազմի քաղաքաշինական գործունեության հատուկ կարգավորման ծրագրերի բաժնի պետ Ա.Վարդանյանի, ºրևանի քաղաքապետի 28.11.2007Ã. N 5074-² որոշմամբ հաստատված §Երևան քաղաքի կենտրոն թաղային համայնքի տարածքի գոտիավորման նախագծի¦ կառուցապատման էսքիզը չի կարող դիտարկվել պարտադիր պայման թաղամասի վերակառուցման համար, այլ կարող է հանդիսանալ որպես տարբերակային (խորհրդատվական) լուծում:
Ինչ նորմատիվ ակտի հիման վրա է այսպիսի պնդում կատարում պրն. Վարդանյանն այն դեպքում, երբ «Քաղաքաշինության մասին» ՀՀ օրենքի 14.1 հոդվածում գրված է. «Գոտիավորմամբ սահմանված պահանջներին հակասող քաղաքաշինական գործունեությունն արգելվում է»: Գուցե դա նրա կոռուպցիոն ցանկությո՞ւնն է…
Շնորհակալություն համագործակցության համար:
Անահիտ Բախշյան
Երևանի ավագանու «Ելք» խմբակցության անդամ
