Տրանսպորտի, կապի եւ տեղեկատվական տեխնոլոգիաների նախարար Աշոտ Հակոբյանն այսօր կառավարության նիստից հետո լրագրողների հետ ճեպազրույցում ասաց, որ ոլորտը ծավալուն է, դեռ չի հասցրել խնդիրներին ծանոթանալ:
Լրագրողները հետաքրքրվեցին՝ մամուլում լուրեր են եղել, որ իր համակուրսեցի էներգետիկայի եւ բնական պաշարների նախարարը Հակոբյանի նշանակման համար միջնորդել է ԲՀԿ առաջնորդ Գագիկ Ծառուկյանին: Այս առնչությամբ Հակոբյանն ասաց. «Էներգետիկայի նախարարի հետ, այո, համակուրսեցի եմ: Բայց ես նախորդ տարվա հոկտեմբեր ամսից ԲՀԿ անդամ եմ, եւ թիմային որոշմամբ եմ նշանակվել նախարար: Եթե հիշում եք, մամուլում նշվեց, որ նշանակումների մեջ նախորդներից էներգետիկայի ներկայիս նախարարը ամենաանկաշառ ու անաչառ նախարարն է»:
Մանրամասն՝ տեսանյութում
Հյուսիս-հարավ արագընթաց մայրուղու շինարարության մասին էլ նախարարն ասաց. «Հյուսիս-հարավին ես էսօր-վաղն եմ ծանոթանալու: Ընդամենը 3 օր եմ նախարար»:
Հարցին, որ ՀՔԾ նախկին պաշտոնյա լինելը չի՞ խոչընդոտի նախարար աշխատելուն, Հակոբյանը պատասխանեց, որ իր նախորդ աշխատանքը եթե չօգնի, չի վնասի:
Մանրամասն՝ տեսանյութում
Նելլի ԲԱԲԱՅԱՆ
