Այսօր՝ մայիսի 16-ին Տավուշի մարզի առաջին ատյանի դատարանի Բերդի նստավայրում կայացած, ոստիկանության Իջեւանի բաժնի շենքում Ժորա Սիմոնյանի խոշտանգման գործով դատական նիստում գործով վկա, Ժորա Սիմոնյանի հայր, Տավուշի մարզի Այգեհովիտ գյուղի բնակիչ Գարսիկ Սիմոնյանը երկու անգամ հայտարարեց, որ 5 տարի առաջ ոստիկանության Իջեւանի բաժնում ծեծի հետեւանքով իր հարեւանը մահացել է:
Դատավոր Զոյա Զաքինյանը հարցրեց մահացածի անուն-ազգանունը: Վկան պատասխանեց, որ չի հիշում: Դատավորը հարցրեց՝ ձեր հարեւանն է, չե՞ք հիշում: Գարսիկ Սիմոնյանն ասաց, որ նրա ազգանունը Գեւորգյան էր:
Սույն դատական նիստի մասին առավել հանգամանալից՝ քիչ անց:
Ոսկան ՍԱՐԳՍՅԱՆ
