Դատավոր Մեսրոպ Մակյանը քիչ առաջ հրապարակեց 2016թ. ՀՀ ոստիկանության ՊՊԾ գունդը գրաված եւ մի շարք ծանր հանցագործությունների համար մեղադրվող «Սասնա ծռեր» խմբի անդամներից Պավել Մանուկյանի, Վարուժան Ավետիսյանի, Մխիթար Ավետիսյանի, Արայիկ Խանդոյանի, Գագիկ Եղիազարյանի (լուսանկարում), Արմեն Բիլյանի, Արեգ Կյուրեղյանի, Սմբատ Բարսեղյանի, Սեդրակ Նազարյանի եւ Էդվարդ Գրիգորյանի խափանման միջոց կալանքը փոխելու, ասել է թե՝ նրանց ազատ արձակելու միջնորդության որոշումը, այն է՝ մերժում:
Իսկ դա նշանակում է, որ նշյալ ամբաստանյալները կշարունակեն մնալ կալանքի տակ:
Նրանց պաշտպաններն այսօր նման միջնորդություն էին ներկայացնել՝ հաշվի առնելով նոր քաղաքական իրավիճակը:
Մեղադրող-դատախազները առարկել էին միջնորդության դեմ՝ ասելով՝ հաշվի առնելով ամբաստանյալներին վերագրվող հանրային վտանգավորություն ներկայացնող արարքները, կալանքի հիմքերը պահպանվում են:
Հիշեցնենք, որ նմանօրինակ միջնորդություն էր ներկայացվել նաեւ օրեր առաջ՝ «Սասնա ծռեր»-ի եւս 11 անդամի համար, սակայն դատավոր Արշակ Վարդանյանը եւս մերժել էր այն:
Լուիզա ՍՈՒՔԻԱՍՅԱՆ
«Նրանց պաշտպաններն այսօր նման միջնորդություն էին ներկայացնել՝ հաշվի առնելով նոր քաղաքական իրավիճակը: »
անհասկնալի է… ո՞րմէկ ինքզինք փաստաբան կոչող փաստաբանը դատարանին դիմում կը կատարէ, «քաղաքական իրավիճակի» հիման վրայ !!
սա համազօր է միմիայն դատարանին ասելու՝ դուք դատարան չէք
փաստաբանի վարքագիծ չէ
«Նոր Հայաստանում», անհրաժեշտ է որ փաստաբաններն ալ սկսին մտածել ու խօսիլ որպէս փաստաբան