Կոնկրետ մեխանիզմներ կա՞ն Արցախը բանակցային սեղանի շուրջ վերադարձնելու համար, ինչի մասին Արցախում հայտարարեց ՀՀ վարչապետ Նիկոլ Փաշինյանը:
Հիշեցնենք, որ Նիկոլ Փաշինյանի հայտարարությունները քննարկման առարկա դարձան: Նախ, դրանց անդրադարձավ ՀՀ պաշտպանության նախկին նախարար Վիգեն Սարգսյանը, ապա առաջին եւ երկրորդ նախագահները:
Արա Պապյանը համարում է, որ Նիկոլ Փաշինյանի հայտարարությունը`Արցախը բանակցային սեղանի շուրջ վերադարձնելու մասին, ընդամենը ցանկություն է. «Արցախի հարցում որեւէ փոփոխություն չեմ տեսնում, սա ցանկության ոլորտից հայտարարություն էր»: Նա, առհասարակ, անկախության գաղափարը գերագնահատված է համարում: Ասում է`«անկախ երկրի վրա էլ են հարձակվում»:
Ինչ վերաբերում է Հայաստանի` հակամարտության կողմ լինելուն, Արա Պապյանն ասում է. «Գնացեք Եռաբլուր` կտեսնեք պատերազմի մասնակից ենք, թե` ոչ»: Այս համատեքստում հիշեցնում է նաեւ «Չիրագովն ընդդեմ ՀՀ-ի» գործը, որով ՀՀ-ն է պատասխանատու Քարվաճառի բնակչի համար:
Արա Պապյանը նկատում է`շրջանառության մեջ դնելով իր թեզը`Հայաստանը հակամարտության կողմ չէ, ժամանակին Լեւոն Տեր-Պետրոսյանը ցանկանում էր զերծ պահել Սովետական Հայաստանի տարածքները, բայց հիմա իրավիճակներ են փոխվել:
Այլ մանրամասները` տեսանյութում
Նելլի ԳՐԻԳՈՐՅԱՆ
