ՀՀ երրորդ նախագահ Սերժ Սարգսյանի գրասենյակի ղեկավար Նաիրի Պետրոսյանն արձագանքել է Reuters-ում հրապարակված «Ինչպես Ռուսաստանը լուռ քինգմեյքերի դեր խաղաց Հայաստանի հեղափոխությունում» հոդվածին:
«Որպես Հայաստանի Հանրապետության երրորդ նախագահ Սերժ Սարգսյանի գրասենյակի ղեկավար, ցանկանում եմ տեղեկացնել Մարգարիտա Անթիձեին, որ 2018թ. ապրիլին Հայաստանում ծավալված իրադարձությունների ժամանակ Սերժ Սարգսյանը որևէ արտասահմանցի առաջնորդի հետ չի քննարկել արտակարգ դրություն սահմանելու հարցը»,- գրել է Պետրոսյանը Facebook սոցիալական ցանցի իր էջում:
Հոդվածագիր Մարգարիտա Անթիձեն գրել էր, որ նախքան հրաժարական ներկայացնելը Սերժ Սարգսյանն իր անձնական դաշնակիցների և պաշտոնյաների հետ քննարկել է Հայաստանում արտակարգ դրություն սահմանելու հնարավորությունը, ինչն ուժայիններին թույլ կտար ուժ կիրառել ցուցարարների դեմ:
Պատրաստեց՝ ՎԻԿՏՈՐՅԱ ԱՆԴՐԵԱՍՅԱՆԸ
