Այսօր Եռաբլուրում գեներալ Սեյրան Սարոյանը լրագրողների հետ զրույցում վստահեցրեց, որ Դավիթ Տոնոյանը ուժեղ նախարար է, երկար տարիներ ՊՆ փոխնախարար է եղել ու ամեն ինչից տեղյակ է: Ինչ վերաբերում է Վիգեն Սարգսյանին՝ նա ասաց. «Շատերն ասում էին, որ բանակում թազա մարդ ա, բայց թազա մարդ չէր: Սերժ Սարգսյանի օգնականն էր էն վախտ, բանակի կադրերի հետ աշխատել էր, ծանոթ էր: Ինքն էլ թազա մարդ չէր բանակի համար: Ընենց էր, որ ինքը իրա գործը գիտեր, անում էր: Ինքը 7 տարվա ծրագիր ուներ, կարար աշխատեր, խնդիր չեմ տեսնում»:
Նա ասաց, որ Վիգեն Սարգսյանի ծրագիրը նայել է, գոհ է եղել, իսկ թե Տոնոյանը ինչ ծրագիր կբերի՝ չեն կարող ասել:
Անդրադառնալով հեղափոխությանը՝ Սեյրան Սարոյանն ասաց. «Էս ի՞նչ էր, էս ժողովրդի հավաքվելը ի՞նչ էր նշանակում, դժգոհություն չէ՞ր, խոմ կայֆի համար չէ՞ր եկել ժողովուրդը հավաքվել: Եկել էին, որովհետեւ դժգոհություն կար մեջը, միանգամից սաղ հելան կայնան ոտի, ո՞վ էր պատկերացնում սենց բան: Մի քանի ամիս ա անցել ընտրություններից, ՀՀԿ-ն էդքան ձեն ա հավաքել, ամբողջ աշխարհը գովաց, որ Հայաստանում սենց ընտրություն չէր եղել: Ո՞վ կպատկերացներ, որ միանգամից ժողովուրդը ոտի կկանգնի, բայց կայնավ, չէ՞: Ընենց բաներ կային, որ չէինք տենում: Էսօր ամեն ինչը պիտի քննարկենք, պիտի չարածների համար սաղ վերլուծական դնենք նայենք՝ որտե՞ղ ա եղել թերությունները, որ ժողովուրդ կարար ըմբոստանա»:
Սեյրան Սարոյանն ասաց, որ ՀՀԿ-ի նիստում ՀՀԿ նախագահ Սերժ Սարգսյանը հորդորել է աջակցել կառավարությանը, եթե մարդիկ երկրի համար լավ գործ են անում, պետք է չխոչընդոտել, թողնել անեն:
Հարցին՝ հիմա դուք ձեզ համարո՞ւմ եք ընդդիմություն՝ Սեյրան Սարոյանը պատասխանեց. «Ա ես ե՞րբ եմ իշխանություն եղե, նույնիսկ մի բան ասեմ՝ արա հոգուդ մեջ պտի ժողովրդի հետ ըլնես, ի՞նչ ընդդիմություն, ի՞նչ իշխանություն: Իշխանությունը պիտի լավ բան աներ ժողովրդի համար, ընդդիմությունը պիտի լավ բան անի: Պրիչոմ պտի ընդդիմություն գրես վրեդ, որ բա՞ն անես քո ժողովրդին, կամ իշխանությո՞ւն պտի ըլնես, որ քո ժողովրդի մասին մտածես: Եթե սիրում ես քո ժողովրդին՝ սիրում ես, չես սիրում՝ ուրեմն չես սիրում»:
Հռիփսիմե ՋԵԲԵՋՅԱՆ
